На 24 и 25 јуни 2026 година во Тирана, Албанија, присуствувавме на дводневната партнерска работилница и свечената церемонија за доделување на грантовите (Awarding Ceremony), организирана во рамки на Grant for Grassroots Initiatives Grant Scheme.

За време на работилницата, покрај свеченото доделување на грантовите, учесниците добија практични насоки за финансиско управување, следење на резултатите, комуникација и видливост, како и за успешна имплементација на проектите. Особено сме горди што нашиот проект беше избран меѓу 24-те најдобри проекти, од вкупно 264 апликации од земјите од Западен Балкан.

Од 1 јули 2026 година официјално започнавме со реализација на проектот „Лицата со попреченост одгледуваат органски ароматични билки“.

Во следните шест месеци, проектот ќе овозможи:

практични обуки за најмалку 30 лица со попреченост од три земји за органско одгледување лековити и ароматични билки;

зајакнување на капацитетите и регионалната соработка на партнерските организации;

изработка на прирачник за инклузивно органско одгледување билки од страна на лица со попреченост;

воспоставување регионален механизам за размена на знаење и добри практики;

подигнување на јавната свест и намалување на стигмата преку промоција на способностите и потенцијалот на лицата со попреченост.

Проектот ќе се реализира до крајот на 2026 година во партнерство со организациите со „Воља за живот“ од Велика Плана, Србија и „Оаза“ од Сараево, Босна и Херцеговина.

Искрено им благодариме на Western Balkans Fund и Европската Унија за довербата и поддршката. Веруваме дека преку ова партнерство ќе создадеме нови можности за учење, вмрежување, инклузија и поголема видливост на потенцијалот на лицата со попреченост во регионот.