Денес во просториите на ЗЛЦПДП се реализираше обука за вработените во социјалните услуги “Помош и нега во домот” и “Лична асистенција”, во рамки на програмата за надградување, доусовршување и професионален развој на вработените.

Медицинската сестра Олгица Пепелашева одржа стручно предавање на тема медицинска грижа и соодветен пристап кон корисниците, со акцент на квалитетната поддршка и професионалното постапување при обезбедување на услугите.

Во текот на обуката беа презентирани организациската структура на организацијата, интерните политики, како и начинот на функционирање и спроведување на социјалните услуги како и административниот дел поврзан со водењето документација, известувањето и работните процедури.

Координаторите одржаа предавање поврзано со правилниците, работните обврски, координацијата, комуникацијата и процедурите кои се однесуваат на секојдневното функционирање и обезбедување на услугите.

По успешно реализираната обука, учесниците се здобија со сертификати за учество.

Со континуирано вложување во знаење и професионален развој, придонесуваме кон унапредување на квалитетот на социјалните услуги и јакнење на професионалните капацитети на вработените.