Во рамки на проектот „Заедно сме посилни 2“, кој го имплементираме со поддршка од Фондација Kvinna Till Kvinna, се реализираа активности за обезбедување менторска и коучинг поддршка за корисниците на Business Hub.
Менторската и коучинг поддршка претставува индивидуализиран процес преку кој корисниците добиваат насоки, совети и практична поддршка во согласност со нивните лични цели, интереси и потреби.
Во текот на сесиите се работеше на идентификување на личните и професионалните цели, поставување конкретни и остварливи чекори, препознавање на силните страни и развојните потреби, како и унапредување на знаењата, вештините и самодовербата на корисниците.
Активноста беше реализирана во Велес, преку индивидуални сесии спроведени од страна на ангажирана менторка, со искуство во работа и поддршка на лица со попреченост.
Со континуирана менторска поддршка создаваме можности за развој, поголема самостојност и активно учество на лицата со попреченост во заедницата.
