Градиме партнерства за заеднички цели и подобри можности за сите!Во рамките на проектот „Заедно сме посилни 2“ кој го имплементираме со поддршка на Фондацијата Kvinna till Kvinna, потпишавме Меморандуми за соработка, со што го зацврстуваме нашето партнерство и заедничката заложба за создавање поинклузивно и поправедно општество.
Меморандуми за соработка потпишавме со:
Центар за развој на источен плански регионОрганизација ЖЕНА ДелчевоОрганизација на жени на Општина Св.Николе Гласен Текстилец Тернипе МК Делчево Бравура кооперативаСоработката ќе биде насочена кон подобрување на квалитетот на животот, социјалната инклузија и еднаквите можности за лицата со попреченост, жените во ризик и старите лица, како и кон нивно економско и општествено зајакнување. Посебен акцент ќе биде ставен на унапредување на социјалните услуги, пристапот до здравствена и социјална заштита, родовата еднаквост, можностите за вработување и економското зајакнување, како и на поголемото учество на овие групи во општествениот живот.
Веруваме дека преку партнерство, споделување на знаења и искуства и заедничко дејствување, можеме да создадеме повеќе можности и да придонесеме кон заедница во која секој човек има право на достоинствен живот, еднакви можности и активно учество.
