Летото полека ни заминува, па одлучивме последните летни денови да ги искористиме на најубав начин, со пливање, дружење и заеднички моменти на Градскиот базен во Велес.

Заедно со Македонски спасител – Здружение за безбедност на вода и планина и Europe House Veles, реализиравме инклузивен час по пливање, исполнет со учење, движење и многу позитивна енергија.

Учесниците имаа можност да се запознаат со основните техники на пливање, правилното движење во вода и правилата за безбедност, а воедно да уживаат во дружење и заеднички активности.

Веруваме дека спортот е простор за сите и дека секој треба да има еднаква можност да учествува, да учи и да ужива.