Во рамките на проектните активности од проектот „Соочување со предизвиците и стигматизација“, се одржаа состаноци со Советите за социјална заштита во повеќе општини од Вардарскиот регион, Општина Чашка, Градско, Велес и Росоман.

Целта на овие средби беше да се поттикне дијалогот меѓу локалните чинители, да се идентификуваат потребите на граѓаните и да се разгледаат можностите за унапредување и развој на услугите во заедницата.

Оваа активност е организирана од Здружението на лица со церебрална парализа и други попречености – Велес, во партнерство со „Порака“ – Неготино и „Еко-живот“ – Кавадарци, во рамки на проектот „Соочување со предизвиците и стигматизацијата“, поддржан од програмата Цивика Мобилитас, финансиски поддржана од Владата на Швајцарија, а спроведувана од МЦМС, НИРАС од Данска и ФЦГ од Шведска.

Вклучувањето на Советите за социјална заштита е од особено значење за креирање одржливи решенија, зајакнување на локалните капацитети и обезбедување поквалитетна поддршка за сите граѓани.

Заедно продолжуваме да работиме на создавање инклузивни заедници во кои секој има пристап до потребната поддршка, заштита на своите права и можности за достоинствен живот.