Лавандата е едно од најпознатите лековити и ароматични растенија, ценета со векови поради своите бројни придобивки за здравјето и квалитетот на животот. Нејзиниот препознатлив мирис придонесува за релаксација, намалување на стресот и подобрување на сонот, додека нејзините природни својства ја прават важна состојка во различни производи за нега, здравје и благосостојба.

Од лавандата може да се создадат различни производи како етерични масла, суви цветови, миризливи перничиња, сапуни, креми, чаеви и други природни производи кои придонесуваат за подобрување на секојдневното живеење и здравјето на луѓето.

Нашиот насад со лаванда во Градско, кој го одржува Здружението на лица со церебрална парализа и други попречености – Велес, претставува повеќе од земјоделска активност. Тој е пример за социјално претприемништво, инклузија и грижа за природата. Секој цвет од лавандата носи порака за можностите, трудот и придонесот на лицата со попреченост во заедницата.

Лавандините полиња се и вистинска оаза за пчелите и другите опрашувачи, кои имаат незаменлива улога во зачувувањето на биодиверзитетот и здравите екосистеми. Со одгледувањето на лаванда придонесуваме за зачувување на природата, поддршка на пчеларството и создавање поздрава животна средина за сите нас.

Природата ни подарува убавина, мирис и лековитост.

Пчелите ни помагаат да ја зачуваме рамнотежата во природата.

Лавандата ни покажува како од еден цвет може да се создадат можности, здравје и подобра иднина за сите