Денес беше реализирана еднодневна традиционална екскурзија на членовите на Здружението на лица со церебрална парализа и други попречености од Велес. Во оваа активност учество земаа 34 лица со попреченост заедно со нивните придружници, со цел поттикнување на рекреацијата, социјализацијата и активното вклучување во заедницата.
Екскурзијата се одвиваше во прекрасната духовна и културно-историска средина на манастирот „Св. Гаврил Лесновски“, кој претставува значаен дел од македонското културно наследство. Посетата овозможи учесниците да се запознаат со богатата историја и духовната вредност на овој локалитет, но и да поминат квалитетно време во природа, исполнето со дружење, разговор и меѓусебна поддршка.Потоа следуваше закуска во ресторанот “Амбиент”.
Ваквите активности имаат особено значење, бидејќи придонесуваат кон подобрување на квалитетот на живот, јакнење на самодовербата и создавање на нови пријателства. Традиционалниот карактер на екскурзијата ја потврдува посветеноста на здружението кон континуирана грижа и вклученост на лицата со попреченост во општествените текови.Со заеднички сили продолжуваме да создаваме можности за поголема инклузија, почит и еднаквост за сите.
